Si pasojë e trendeve të reja, lista e emrave më të përdorur ndryshon vit pas viti.
Por kohët e fundit po vihet re një frymë moderne që po ndikon te prindërit, të cilët zgjedhin emra të padëgjuar ndoshta më parë.
Këtë fenomen e kemi vënë re edhe te personazhet e njohur të ekranit shqiptarë, të cilët për fëmijët e tyre kanë zgjedhur emra shumë të rrallë, që në thelb kanë një kuptim të veçantë për ta.
Në mars të këtij viti, Afërdita Dreshaj solli në jetë fëmijën e saj të parë, një djalë që vendosi ta quaj Sky Blu, ose i përkthyer në shqip Qielli Blu.
Ose të gjithë u befasuam kur dëgjuam për herë të parë emrin e vogëlushit të Elita Rudit dhe Gjikos. I vogli u quajt Zëri, tërësi tingujsh.
Por edhe vajzës së tyre, reperi dhe moderatorja i vendosën një emër të veçantë, duke e quajtur Bota.
Dashuria e Miriam Canit dhe Alban Skënderaj solli në jetë të vogli Duam, të cilit i dedikuan dhe një këngë që mbarte si titull emrin e tij. Kujt ja priste mendja se një folje do të qëndronte kaq bukur si emër?!
Bes Kallaku dhe Xhensila Myrtezaj emocionuan të gjithë kur i bënë dedikimin e parë të bijës që sapo kishte ardhur në jetë. Ata e quajtën të voglën e tyre Ajka, ku Besi e krahasoi me ajkën e qumështit.
Gjithashtu ngjyra blu po përdoret shumë këto kohë në emrat e bebushëve, pasi edhe e vogla e Sarës dhe Ledri Vulës, Poem Blu, u pagëzua me një emër të tillë.
Erion Isai i vendosi të bijës një emër sa melodioz aq edhe domethënës: Ajër.
Labinot Gashi i vendosi te bijes se tij emrin Rroa, “rro”, pra “jeto,” në trajtë femërore.
Besnik Qaka zgjodhi emrin Una për vajzën e tij, që të jetë gjithmonë e para në jetë.