Eksperimenti i YouTube doli të ishte një dështim – rezolucioni 4K është përsëri falas

AutoTech

Gazeta Express

20/10/2022 21:33

Lajmi që YouTube dëshiron të tarifojë për shikimin e videove në rezolucion 4K, goditi internetin si bombë, domethënë se me këtë lëvizje kërkon që përdoruesit të përdorin abonimin YouTube Premium. Megjithatë, sipas informacioneve zyrtare, ky “eksperiment” ka përfunduar zyrtarisht.

Në fillim të këtij muaji, përdoruesit e Reddit u ankuan masivisht se YouTube nuk do t’i lejonte të shikonin klipe në rezolucion 4K, duke ndarë pamjet e ekranit si provë. Nga ajo që mund të shihnim dhe më vonë u konfirmua nga vetë YouTube, kompania po testonte rezolucionin 4K si një përfitim që është i disponueshëm vetëm për përdoruesit që paguajnë për një abonim në YouTube Premium.

Askush nuk u befasua që përgjigja e përdoruesve ishte e fortë, veçanërisht duke pasur parasysh që YouTube ka ofruar shikim falas të videove 4K për më shumë se 10 vjet, madje ofron mundësinë për të parë klipet e mbështetura në rezolucion 8K. Megjithatë, siç pretendon llogaria zyrtare e platformës në Twitter, ky eksperiment tani ka përfunduar, që do të thotë se përdoruesit të cilët ishin të bllokuar nga rezolucioni 4K do të mund ta përdorin përsëri atë plotësisht pa pagesë.

“Ne e kemi anuluar plotësisht këtë eksperiment. Shikuesit tani duhet të jenë në gjendje të aksesojnë rezolucionin 4K pa një anëtarësim Premium, “tha YouTube në një përgjigje për një përdorues të Twitter.

Ajo që mbetet e paqartë është se çfarë vendosi YouTube. Ndërsa përdoruesit mund të kenë edhe një herë akses në rezolucionin 4K, kjo nuk do të thotë që kompania nuk do ta ndryshojë këtë vendim nesër. Rrëfimet për testin nuk na janë fare të qarta, sepse nuk e kemi të qartë pse ata kishin nevojë fare për një test. Megjithatë, nëse ata thjesht donin të ndjenin pulsin e përdoruesve të tyre, përgjigja ishte mjaft e qartë dhe shumë e ngjashme me përpjekjen e fundit për të na servirur pesë reklama përpara fillimit të videos.