‘‘E paqëndrueshme’’, ‘‘s’ka ofruar asnjë dëshmi’’: PZAP rrëzon ankesën e VV-së lidhur me votat e Bedri Hamzës  

Lajme

Gazeta Express

19/03/2025 16:51

PZAP, Paneli Zgjedhor për Ankesa dhe Parashtresa, ka bërë të ditur se ka rrëzuar edhe një tjetër ankesë të Lëvizjes Vetëvendosje ndaj Partisë Demokratike të Kosovës, shkruan Gazeta Express.

LVV-ja në ankesën e saj të dorëzuar në PZAP kishte pretenduar se në shumicën e vendvotimeve në Skenderaj, kandidati i PDK-së për kryeministër, Bedri Hamza kishte marrë 94% e deri në 100% të votave.

Në vendim thuhet se pretendimet e  VV-së janë të paqëndrueshme, dhe se kjo parti s’ka ofruar asnjë dëshmi me ankesë, me të cilën do të provohet fakti për manipulimin e votave në kutit e votimit. /GazetaExpress