Dy përballje interesante për sot në Superligë, vëmendja në Gjakovë e Prizren

Sport

Gazeta Express

13/11/2022 9:06

Superliga e Kosovës në basketboll vazhdon edhe këtë diel me ndeshjet e javës së dhjetë.

Gjatë ditës së sotme do të zhvillohen dy ndeshje, të cilat pritet të jenë mjaft interesante – shkruan Gazeta Express.

Fillimisht, nga ora 17:00, në palestrën sportive “Shani Nushi”, Vëllaznimi do të përballet me Sigal Prishtinën.

“Kuqezinjtë” kanë regjistruar deri më tani katër fitore e pesë humbje, kurse ajo prishtinase pesë fitore e katër humbje.

Nga ora 19:00, në “Sezai Surroi” do të zhvillohet derbi i rivalëve lokal, Ponte Prizrenit dhe Bashkimit.

Ponte ka tri fitore e katër humbje, kurse Bashkimi tri fitore e gjashtë humbje.

Kujtojmë se me këto dy ndeshje edhe do të mbyllet java e dhjetë, pasi ndeshja që i takon kësaj jave, mes Golden Eagle Yllit dhe Pejës, do të regjistrohet nga Liga Unike. /Gazeta Express/