Dy asiste dhe një gol, Messi shkëlqen në fitoren e Inter Miamit

Futboll

Gazeta Express

09/05/2026 21:21

Lionel Messi ka dhënë një tjetër performancë fantastike në MLS.

Inter Miami ka shënuar fitore 2:4 në udhëtim ndaj Toronto FC, duke u afruar me kreun, shkruan Gazeta Express.

Rodrigo de Paul kaloi mysafirët në epërsi në minutën e 44-të të ndeshjes, rezultat me të cilin u mbyll pjesa e parë.

Në pjesën e dytë ishte një spektakël nga argjentinasi, Leo Messi.

Fillimisht, tetë herë fituesi i Topit të Artë asistoi për Luis Suarez në minutën e 56-të.

Më pas, Messi asistoi edhe për Reguilon në minutën e 73-të, para se të shënonte vet dy minuta më vonë.

Toronto u kundërpërgjigj me dy gola nga Aristizabal, por ishte e pamjaftueshme për të evituar humbjen.