Drilon Hajrizi e Musab Mala: “Së bashku drejt suksesit, Forca Kosova”

Basketboll

Gazeta Express

03/08/2023 11:08

Kombëtarja e Kosovës bë basketboll po bëhet gati për një ndeshje mjaft të rëndësishme dhe vendimtare që do ta zhvillojë këtë të shtunë.

“Dardanët” do ta presin Kombëtaren e Danimarkës në ndeshjen direkte për vend të parë në rrethin e tretë parakualifikues të Eurobasket 2025, shkruan “Gazeta Express”.

Basketbollistët e Kosovës e kanë kërkuar edhe mbështetjen e publikut për ta mposhtur kundërshtarin në palestrën e sporteve “Sezai Surroi” në Prizren.

E me një vide-mesazh të shkurtër para kësaj loje kanë dalë dy basketbollistët e Kosovës, Drilon Hajrizi dhe Musab Mala.

“Së bashku drejt suksesit. Forca Kosova”, dëgjohen duke thënë ata në videon e postuar nga Federata e Basketbollit të Kosovës në faqen e saj zyrtare.

Ndeshja Kosovë – Danimarkë do të luhet të shtunën mbrëma duke filluar nga ora 20:45. /Gazeta Express/