“Do kujtohesh vetëm për çorapet e grisura”, -Vulin akuzon Ramën: Pse lavdëron vrasësit e UÇK-së?

Gazeta Express

03/10/2020 22:36

Ditën e sotme kryeministri Rama nëpërmjet një statusi në Twitter ka pyetur Presidentin e Serbisë, nëse deklaratat e ministrit të tij për Shqipërinë e Madhe” ishin të vërteta apo një meme ?

Po sot ka reaguar përsëri Ministri i Mbrojtjes së Serbisë, Aleksandar Vulin përmes një komunikate në faqen zyrtare të Ministrisë së Mbrojtjes Serbe, ku e ka quajtur kryeministrin Rama një njeri pa tru.

Vulin thekson se Rama kujtohet më shumë për mimika dhe çorapet e shqyera, sesa idetë e mëdha.

Në komunikatë Vulin i kujton shqiptarët përmes Esad Pashë Toptanit kurrë nuk do t’i identifikonte me Ramën

“Nëse Edi Rama do të kishte tru, ai nuk do të përpiqej të bënte një ‘Shqipëri të Madhe’, nëse do të kishte mendje, nuk do të bënte një foto nën flamurin e një ‘Shqipërie të Madhe’ dhe nëse do të kujdesej për paqen në rajon, nuk do të lavdëronte vrasësit nga e ashtuquajtura UÇK.

Nëse do ta dinte se çfarë ishte paqja, Rama nuk do të përpiqej të portretizonte manastiret serbë në Kosovë dhe Metohi, si trashëgimi të popullit të tij në librat shkollorë zyrtarë të shtypur nga qeveria e tij dhe deklaratat e tij dhe mimikat, ne i kujtojmë më shumë për çorapet e shqyera sesa idetë e mëdha.

Shiptarët janë një popull i nderuar që nga Esad Pashë Toptani dhe unë kurrë nuk do t’i identifikoja me Ramën”, tha Ministri i Mbrojtjes Aleksandar Vulin.