Distria Krasniqi, e artë në Grand Slamin e Parisit

Sport

Gazeta Express

02/02/2024 18:37

Distria Krasniqi ka fituar medaljen e artë në Grand Slamin e Parisit.

Xhudistja kosovare në finale mposhti britaniken, Chelsie Giles, në kategorinë deri në 52 kilogramë, shkruan Gazeta Express.

Krasniqi këtë përballje e fitoi me uazari.

Për të ishte kjo mbrojtje e medaljes së fituar vitin e kaluar. Sukses të njëjtë kishte arritur edhe më 2020.

Përveç medaljes së artë, Distria Krasniqi fitoi edhe 1000 pikë në ranglistën botërore.

Siç dihet, 28-vjecarja prin në në kategorinë deri 52 kilogramë. /Gazeta Express/