Detaje: Modric donte të vazhdonte, por Real Madridi vendosi të mos rinovojë kontratën

Futboll

Gazeta Express

22/05/2025 18:11

Ëndrrat e Luka Modrić për të vazhduar karrierën te Real Madrid nuk do të realizohen, pasi klubi ka vendosur të nisë një epokë të re me lojtarë më të rinj.

Lajmin e ka bërë të ditur gazetari i njohur Fabrizio Romano, duke theksuar se ndarja mes palëve ka ndodhur në kushte të shkëlqyera dhe me respekt të ndërsjellë.

Modrić kishte shprehur dëshirën për të qëndruar, por drejtuesit e klubit madrilen kanë vendosur të mos e rinovojnë kontratën e mesfushorit legjendar, duke hapur rrugën për brezin e ri që po formësohet në “Santiago Bernabéu”.

Kroati largohet si një nga figurat më të ndritura në historinë e Real Madridit, me 13 sezone të lavdishme dhe një koleksion të jashtëzakonshëm trofesh.

Ai ka qenë një lider brenda dhe jashtë fushës, dhe një model profesionalizmi për bashkëlojtarët e tij.