Deputetja e Listës Srpska Miljana Nikoliq s’merr votat e nevojshme për nënkryetare

Lajme

Gazeta Express

30/08/2025 12:04

Deputetja e Listës Srpska, Miljana Nikoliq, është hedhur në votim për postin e nënkryetares së Kuvendit nga komuniteti serb sipas shortit, procedurë që po administrohet nga kryetari i Kuvendit Dimal Basha.

Ajo s’mori mbështetjen e nevojshme për t’u zgjedhur nënkryetare me partinë e saj që po e refuzon këtë formë votimi.

Nikoliq s’mori asnjë votë, kundër 52 dhe 24 abstenime.

Basha paraprakisht tregoi se kanë mbetur edhe gjashtë votime dhe tre kandidatë për të zgjedhur nënkryetarin serb të Kuvendit.

Në sallë të pranishëm janë 104 deputetë, raporton Gazeta Express.

Deputeti i Listës Srpska Igor Simiq ka të drejtë të hidhet në votim edhe dy herë, ndërsa bashkëpartiakja e tij Miljana Nikoliq ka tri mundësi dhe Nenad Rashiq një mundësi votimi.

Basha tha se qytetarët presin që Kuvendit të konstituohet dhe iu bëri thirrje deputetëve që të votojnë.

“Le të kalojmë këtë sfidë së bashku dhe të vazhdojmë me punët që na presin”.