Ambasadorja e Kosovës në SHBA, Vlora Çitaku, dhe ish-ambasadori i Koësovës në Britani të Madhe, Muhamet Hamiti, kanë përkrahur reagimin e Ambasadës së Zvicrës ndaj deklaratave të presidentit serb, Aleksandër Vuçiq, për mohim të krimeve serbe në Kosovë.
Ambasada e Zvicrës reagoi ndaj deklaratave të Vuçiqit dhe kërkoi pranimin e fajit nga Serbia si kusht për të ecur përpara.
“Pranimi i fakteve dhe zbulimi i së vërtetës për të kaluarën janë një parakusht për pajtim kuptimplotë dhe afatgjatë”, thuhej ndër të tjera në deklaratën e ambasadës.
E Hamiti e ka veçuar këtë reagim të zviceranëve ndaj ambasadave tjera.
“Ambasada e Zvicrës i dënon pa ekuivoke deklaratat e Presidentit serb Vuçiq me të cilat e mohonte masakrën e Reçakut. Të tjerët i kanë dënuar plogësht, sa me thanë”, ka thënë ai.
“Dënim i qartë dhe i pastër i deklaratave skandaloze të bëra nga presidenti i Serbisë. Zvicra i tregon gjërat sic janë”, ka thënë Citaku. /Express/