Chelsea po e konsideron nënshkrimin e yllit të Premierligës, që i janë vënë pas shtatë klube

Futboll

Gazeta Express

29/05/2026 18:20

Xabi Alonso dhe Chelsea kanë rritur interesin për një mesfushor shumë të vlerësuar të Premierligës, ndërsa edhe gjashtë klube të tjera rivale janë të interesuara për lojtarin.

Pavarësisht se afati kalimtar hapet më 15 qershor, thashethemet për transferime tashmë kanë marrë hov, me klubet që po planifikojnë për verën.

Një prej skuadrave që kërkon përmirësim pas një sezoni të dobët 2025/26 është Chelsea, i cili ka shkarkuar si Enzo Maresca ashtu edhe zëvendësuesin e tij Liam Rosenior, pasi përfundoi në vendin e dhjetë në ligë me 52 pikë.

Ish-mesfushori i Liverpoolit dhe trajneri i Bayer Leverkusenit dhe Real Madridit, Alonso, është ngarkuar me detyrën për ta rikthyer Chelsean në majat e tabelës.

Ai pritet të mirëpresë në “Stamford Bridge” anësorin e djathtë portugez Geovany Quenda dhe mbrojtësin e majtë brazilian Denner, të cilët tashmë kanë rënë dakord për transferim para ardhjes së trajnerit të ri.

Disa lojtarë pritet të largohen nga Chelsea këtë verë, ndërsa të tjerë mund të vijnë në Londër.

Një nga emrat e mundshëm është mesfushori i Bournemouth, Alex Scott.

Sipas “TeamTalk”, anglezi po ndiqet nga shtatë klube të Premierligës, përfshirë Arsenalin, Tottenham Hotspurin (klubi që ai raportohet se e mbështet), Liverpoolin, Aston Villan dhe Newcastle Unitedin, ndërsa Manchester United dhe Chelsea konsiderohen si favoritët për ta siguruar.

Bournemouth dëshiron ta mbajë 22-vjeçarin dhe planifikon t’i ofrojë kontratë të re, pasi ai ndihmoi klubin të kualifikohej për herë të parë në histori në Ligën e Evropës, duke kontribuar me 4 gola dhe 1 asist sezonin e kaluar.

Klubi i vlerëson shërbimet e tij rreth 60 milionë £ dhe nuk pritet të pranojë oferta më të ulëta.

Scott iu bashkua Bournemouthit nga Bristol City në vitin 2023 dhe u përfshi në listën e zgjeruar të Thomas Tuchel për Kupën e Botës, por nuk arriti në 26-shen finale.

Chelsea thuhet se ka intensifikuar interesimin ditët e fundit dhe po kryen verifikime të detajuara për lojtarin, ndërsa Manchester Unitedi e sheh atë si partner të mundshëm për Kobbie Mainoo pas largimit të pritshëm të Casemiro nga “Old Trafford”./GazetaExpress/