Chelsea arrin marrëveshje për Palestra

Futboll

Gazeta Express

24/06/2026 12:33

Chelsea ka siguruar përforcimin e parë të madh të verës, pasi raportohet se ka arritur marrëveshje me Atalanta për transferimin e mbrojtësit të talentuar italian, Marco Palestra.

Sipas raportimeve, londinezët do të paguajnë deri në 47 milionë funte për 21-vjeçarin, i cili ka zgjedhur “Stamford Bridge” përpara një kalimi te Inter Milan.

Ky transferim konsiderohet si goditja e parë e madhe e trajnerit të ri të Chelseat, Xabi Alonso, i cili mori drejtimin e skuadrës këtë verë. Eksperti i transferimeve Fabrizio Romano ka konfirmuar se marrëveshja verbale është arritur dhe se transferimi tashmë është praktikisht i mbyllur.

Atalanta pritet të përfitojë mbi 55 milionë euro, përfshirë bonuset dhe një përqindje nga shitja e ardhshme e lojtarit, ndërsa Palestra do të firmosë kontratë afatgjatë me klubin anglez.

Chelsea arriti të mposhtë konkurrencën e Interit, i cili shihej si favorit për transferimin e mbrojtësit pas paraqitjeve të shkëlqyera që ai pati gjatë huazimit te Cagliari. Madje, ai u vlerësua si një nga mbrojtësit më të mirë të Serie A sezonin e kaluar.

Një tjetër faktor i rëndësishëm ishte dëshira e vetë lojtarit për t’u transferuar në Premier League, pasi Chelsea përmbushi kërkesat financiare të Atalantës.

Palestra konsiderohet një lojtar shumë i gjithanshëm, pasi mund të luajë si mbrojtës krahu apo si wing-back në të dy krahët, një profil që përshtatet me idetë taktike të Alonsos.

🚨🔵 BREAKING: Marco Palestra to Chelsea, here we go! Verbal agreement in place between all parties.

Atalanta to receive package over €55m fee plus sell-on clause, long term deal to Italian talented RWB.

Chelsea hijack Inter move and get new talent for Xabi Alonso. pic.twitter.com/W3ktXVK6EV

— Fabrizio Romano (@FabrizioRomano) June 24, 2026

Transferimi i tij pritet të jetë vetëm fillimi i një vere të ngarkuar për Chelsean. Pas një sezoni zhgënjyes që e pa ekipin të përfundonte në vendin e 10-të dhe jashtë garave evropiane, drejtuesit e klubit janë të vendosur t’i japin Alonsos një skuadër konkurruese.

Klubi londinez po punon gjithashtu për afrime të tjera, ndërsa në skuadër do të bashkohen edhe emra si Geovany Quenda dhe Emmanuel Emegha.

Për të balancuar financat, Chelsea ka nisur edhe largimet nga skuadra. Një nga transferimet më të bujshme ka qenë kalimi i Marc Cucurella te Real Madrid, ndërsa priten edhe largime të tjera gjatë merkatos.

Me afrimin e Palestrës, Chelsea dërgon një sinjal të qartë se projekti i ri nën drejtimin e Xabi Alonsos ka nisur me ambicie të mëdha. /GazetaExpress/