Certifikimi i rezultateve dhe ftesa e Kurtit për takim, mblidhet Kryesia e PDK’së

Lajme

Gazeta Express

09/07/2026 15:25

Partia Demokratike e Kosovës po mban mbledhjen e Kryesisë së saj nga ora 15:00.

Këtë e konfirmoi për Gazetën Express nënkryetarja e PDK’së, Vlora Çitaku.

Mbledhja vjen pas certifikimit të rezultateve të zgjedhjeve dje nga KQZ dhe pas ftesës për takim që iu çoi sot kryetari i Vetëvendosjes, Albin Kurti, kryetarëve të PDK’së, LDK’së e AAK’së.

E pyetur nëse do t’i përgjigjen pozitivisht kësaj ftese, Çitaku tha se pas mbledhjes do ta japin qëndrimin.