Çerdhet private hapen nesër, Shpend Ahmeti s’e thotë asnjë fjalë - Gazeta Express

Lajme

Gazeta Express

02/08/2020 14:10

Çerdhet private hapen nesër, Shpend Ahmeti s’e thotë asnjë fjalë

Lajme

Gazeta Express

02/08/2020 14:10

Pavarësisht se komunat duhet të thonë fjalën përfundimtare, çerdhet kanë lëshuar njoftimet se nga nesër hapen shtëpitë e fëmijëve. Asociacioni i Institucioneve Parashkollore ka njoftuar se nga e hëna hapen çerdhet për të mos u mbyllur më. Kanë thënë se kanë plotësuar të gjitha kërkesat higjeno-sanitare.

 “Pas vendimit të institucioneve qëndrore shtetërore të Kosovës se përgjegjësia për rihapjen e kopshteve/çerdheve bie mbi institucionet lokale (komunat) si dhe në mungesë të koordinimit të të gjitha komunave që kopshtet të hapen në unison njëjtë, si dhe pas kërkesave të pandërprera nga prindërit, ne si Asociacion i Institucioneve Parashkollore Private duke qenë nën ombrellën e MASHT-it dhe duke qenë të sigurtë se gjithnjë që nga fillimi i kemi plotësuar kushtet higjieno-sanitare nën mbikqyrjen e inspektoriateve të AVUK-ut, MASHT-it, DKA-ve kemi vendosur një zëri që: – KOPSHTET/ÇERDHET PRIVATE të RIHAPEN DITËN E HËNË ME 03.08.2020, PËR MOS T’U MBYLLUR MË KURRË”, thuhet në njoftim.

“Gjithnjë duke respektuar protokolin tashmë të implementuar prej datës 01 qershor kur u bë rihapja pas mbylljes dymujore të pandemisë”, shkruan më tej në njoftim.

Të shtunën edhe Kryetari i Gjilanit Lutfi Haziri ka thënë se çerdhet do të hapen në këtë komunë nga e hëna.

I vetmi që nuk ka folur për hapjen e çerdheve është Shpend Ahmeti, Kryetar i Prishtinës. I njëjti kishte paralajmëruar se do të tregonte në detaje të gjitha kërkesat që duhet plotësuar para se të hapeshin çerdhet private e publike.