Bie nga froni Mercedes A45 AMG, Audi sjell “mbretëreshën” RS3

AutoTech

Gazeta Express

22/07/2021 11:51

Prodhuesi i njohur gjerman i veturave, Audi, e ka prezantuar gjeneratën e tretë të modelit sportiv, RS3. Modeli mund të blihet në dy versione – Sportback dhe Sedan.

Kjo veturë pritet të dalë në shitje në Britaninë e Madhe në gusht, por veturat do t’u dërgohen pronarëve vetëm në fund të vitit, shkruan Autocarindia, transmeton Gazeta Express.

RS3 Sportback dhe RS3 Sedan do ta kenë motorin tradicional prej 2.5 litrash, me pesë cilindra, i cili prodhon 400 kuaj-fuqi. Ky motor nëntë vite rresht është shpallur Motori Ndërkombëtar i Vitit.

Shpejtësinë prej 0 deri në 100 kilometra në orë e arrin për vetëm 3.8 sekonda, ndërsa të interesuarit mund ta porosisin veturën me shpejtësi maksimale deri në 290 kilometra në orë. Këto shifra e lënë prapa konkurrentin e saj kryesor, Mercedes-Benz A45 AMG 4Matic.

Sa i përket pamjes së jashtme, modeli i ri duket shumë më agresiv, me rrota të veçanta për performancë sportive dhe me hapësira të mëdha për hyrjen e ajrit në pjesën e përparme./Gazeta Express