Begolli: Fitorja minimale shumë e vlefshme për Francën, pasi grupi është i fortë

Futboll

Gazeta Express

17/06/2024 23:23

Analisti i emisionit sportiv “Favorit” në T7, Granit Begolli e analizoi ndeshjen e sontme mes Francës dhe Austrisë.

Francezët triumfuan minimalisht 1:0 ndaj austriakëve, për të marrë fitoren e parë në Evropian, shkruan Gazeta Express.

Begolli tha se fitorja me rezultat minimal është e vlefshme për Francën, sepse grupi është shumë i fortë.

“Franca e ka pasur kundërshtarin më të fortë në kampionat si ndeshje e parë. Fitorja me rezultat minimal është shumë i vlefshëm për Francën, pasi që grupi është shumë i fortë. Në vazhdimësi do të shkojnë duke e rritur formën”, tha Begolli.