Gjiganti katalunas nuk është i interesuar për ta angazhuar futbollistin brazilian, i cili pritet të ndahet me Chelsean pas pak muajsh
Barcelona nuk është e interesuar për Willianin, shkruan Gazeta Express.
Ditëve të fundit flitej se futbollisti brazilian mund të përfundojë në Camp Nou gjatë verës, kur do t’i skadojë kontrata me Chelsean.
Mirëpo, e përditshmja spanjolle “Sport” shkruan se gjiganti katalunas nuk e ka në plan për ta transferuar përfaqësuesin brazilian.
31 vjeçari është duke e kaluar vitin e fundit të kontratës me Chelsean.
Ai kërkon kontratë afatgjate, e Të Kaltrit ia ofrojnë vetëm njëvjeçare.
Prandaj, palët mund të ndahen pas pak muajsh.
Interesim për mesfushorin kreativ kanë shprehur Tottenhami, Juventusi dhe Paris Saint-Germaini. /Gazeta Express/