“Bamirësia, Humaniteti, Solidariteti”, ekspozita në Bibliotekën Kombëtare

Arte

Gazeta Express

05/09/2023 15:02

Në kuadër të Ditëve të Nënës Terezë, në Ditën e Shenjtërimit të saj, është hapur ekspozita për humanizmin e popullit të Kosovës gjatë viteve të ’90-ta, në Bibliotekën Kombëtare të Kosovës, “Pjetër Bogdani”.

Në këtë ekspozitë janë ekspozuar libra e artikuj të gazetave ‘Rilindja’ dhe ‘Bujku’ në koleksionet e Bibliotekës Kombëtare të Kosovës për bamirësinë, humanitetin dhe solidaritetin në Kosovën e viteve ’90-ta.

Kjo ekspozitë prezanton mbi 50 monografi dhe mbi 1.500 artikuj të gazetave të asaj kohe, të cilët tregojnë hollësisht për solidaritetin që treguan qytetarët e Kosovës gjatë kohës së rezistencës të viteve të ‘90-ta.

/Express