Conor McGregor ka vendosur ta lërë anash rivalitetin e tij me Khabib Nurmagomedovit, pasi që babai i këtij të fundit është në gjendje kome. Irlandezi i ka uruar shërim të shpejtë dhe ka thënë se po lutet për të gjithë familjen në këto momente.
Abdulmanap, babai i Khabib Nurmagomedov, ishte dërguar këtë muaj urgjentisht në spital për shkak të problemeve me zemër, sipas mediave ruse, transmeton Gazeta Express.
Në fund të muajit mars, Abdulmanap ishte shtrirë në spital me simptoma të gripit dhe pneumonisë. Atij i ishte bërë një test për koronavirus, i cili kishte dalë negativ dhe doktorët kishin thënë se ai ishte ftohur për shkak se kishte ecur dy ditë në ditë të akullta në bjeshkët e Makhachkala.
Por problemi i tij i fundit me shëndetin duket të jetë më serioz, pasi ai është shtrirë përsëri në spital për t’u trajtuar për probleme në zemër.
Një mik i familjes Nurmagomedov ka thënë se ai ka probleme me zemër dhe po mbahet në spital për trajtim, ndërsa lajmet e fundit kanë bërë të ditur se ai është në gjendje kome.
Kjo situatë ka bërë që rivali i Khabibit, Conor McGregor, ta lërë anash rivalitetin e tij dhe t’i uroj shërim të shpejtë babait të luftëtarit që e mposhti në oktogon, duke e shkruar një mesazh prekës.
“Po lutem për shërimin e Abdulmanap Nurmagomedov, një njeriu që është përgjegjës për më shumë kampionë bote, në shumë disiplina të arteve marviale, sesa që ne mund ta dimë”, ka shkruar McGregor.
“Një gjeni i vërtetë i arteve parciale. Jam shumë i mërzitur që e kam lexuar këtë sonte. Po lutem për familjen Nurmagomedov në këtë kohë”. /Gazeta Express/
Praying for the recovery of Abdulmanap Nurmagomedov. A man responsible for more World champions, across multiple fighting disciplines, than we even know.
— Conor McGregor (@TheNotoriousMMA) May 13, 2020
A true martial genius!
Very saddened upon hearing this news tonight.
Praying for the Nurmagomedov family at this time ? https://t.co/OVklQphPgN