Arsenali po bëhet gati për nënshkrimin e një sulmuesi rekord-thyes, si zëvendësues i Gyokeresit

Futboll

Gazeta Express

02/05/2026 16:40

Arsenali është lidhur me disa sulmues të profilit të lartë para sezonit të ardhshëm, pasi mund të thuhet se nënshkrimi i tyre i fundit i madh në këtë pozitë, Viktor Gyökeresi, nuk ka shkëlqyer këtë edicion.

Julián Álvarezi dhe Victor Osimheni janë disa nga emrat që janë përmendur për një transferim veror në “Emirates”, për të ndihmuar ekipin të fitojë trofe sezonin e ardhshëm; mbetet për t’u parë nëse kjo do të thotë shtim i një titulli në Premierligë apo Ligë të Kampionëve nga ky sezon.

Trajneri Mikel Arteta synon ta përforcojë skuadrën, qoftë për të mbrojtur titujt apo për të synuar sërish një trofe pas zhgënjimit të madh këtë sezon.

Tani, një emër i ri është futur në skenë për një transferim veror tek Arsenali.

Sipas “talkSPORT”, klubi është i interesuar për Eli Junior Kroupi nga Bournemouthi.

Kroupi ka lënë gjurmë kundër Arsenalit këtë sezon, duke shënuar në të dy ndeshjet ndaj ekipit të Artetës.

19-vjeçari nuk ka impresionuar vetëm kundër “Topçinjve”, por gjatë gjithë sezonit në Premierligë, duke realizuar 11 gola deri tani dhe duke u bërë vetëm adoleshenti i katërt që shënon dyshifror në sezonin e tij të parë në këtë garë.

Sipas raportimeve, paraqitjet e reprezentuesit të Francës U21 e kanë lënë Artetën të mahnitur.

Thuhet se Arteta është “impresionuar jashtëzakonisht” nga ndikimi i tij këtë sezon dhe performancat e spikatura pikërisht kundër Arsenalit.

Megjithatë, Arsenali nuk është i vetmi klub i interesuar.

Manchester City dhe Manchester Unitedi gjithashtu po synojnë ta transferojnë sulmuesin këtë verë.

Çmimi për yllin e Bournemouthit mund të kalojë 60 milionë paund, pasi “Cherries” e blenë nga Lorienti për vetëm 10 milionë paund.

Kjo vlerë e lartë lidhet edhe me faktin se kontrata e tij skadon në vitin 2030 dhe besohet se nuk ka klauzolë lirimi./GazetaExpress/