Arrestohet Xhelal Rraja, vëllai i ish-deputetit Rrahman Rraja

Shqiperi

Gazeta Express

10/07/2024 13:14

Xhelal Rraja, vëllai i ish-deputetit të PS, Rrahman Rraja është arrestuar këtë të mërkurë në vijim të operacionit “Revanshi”. 

Xhelal Rraja ishte shpallur në kërkim, pasi gjykata i kishte caktuar masën e sigurisë “Arrest në burg” për pjesëmarrje në grup të strukturuar kriminal dhe për sigurim të kushteve për të kryer vrasje.

Sipas SPAK Xhelal Rraja ishte pjesë e grupeve të Durim Bamit dhe Endrit Dokles që tentuan vrasjen Arben Ndokës.

Nga hetimet e SPAK rezulton se Arben Ndoka ishte planifikuar të ekzekutohej në janar 2021, “kur ky të shkonte për kafe dhe qokë në Rrugën e “Elbasanit”, pasi kishte vdekur një gjyqtar nga Lezha.”

Ndoka do të vritej në kafen e ngushëllimit në shtëpinë e gjyqtarit.