Arrestohet nusja e çiftit Pasho, akuzohet për vrasje, fshehje dhe copëtim të kufomave

Ballina

Gazeta Express

22/12/2020 12:14

Prokuroria italiane ka avancuar shumë për zbardhjen e vrasjes makabër të çiftit Pasho nga Vlora, të cilët u gjetën të coptuar në 4 valixhe. Elona Kalesha, 36-vjeçarja e lindur në Durrës, është arrestuar këtë të martë nga policia italiane me akuzën e vrasjes së çiftit Pasho nga Vlora.

Prokurorja Ornella Galeotti, kishte lëshuar një urdhër arrest për Elonën, e cila deri para disa vitesh jetonte së bashku me djalin e çiftit Pasho, Taulantin.

Gruaja akuzohet për vrasje, fshehje dhe copëtim të kufomave të Shpetim dhe Teuta Pasho, 54 dhe 52 vjeç, të cilët ishin të zhdukur që prej vitit 2015 kur shkuan në Firence për të pritur që një nga tre fëmijët e tyre, Taulanti, të dilte nga burgu Solliciano ku ai po vuante dënimin për tregtinë e drogës.

Elona gjithashtu kishte një të shkuar penale për drogë.