Arrestohen dy të dyshuar, sekuestrohen lëndë që dyshohet të jenë narkotike dhe para që dyshohen të jenë të falsifikuara

Gazeta Express

07/02/2025 22:34

Hetuesit policor kanë kryer kontrolle në banesën e një të dyshuari në Prishtinë, nën dyshimin për përfshirje të të dyshuarve në vepra penale që lidhen me lëndët narkotike.

Lidhur me rastin janë arrestuar dy të dyshuar: R.R., (viti i lindjes 2002, mashkull kosovar) dhe A.S., (viti i lindjes 2001, mashkull kosovar).

Ndaj të dyshuarve është iniciuar rasti nën dyshimin për përfshirje në veprat penale: ‘blerja posedimi dhe shitja e paautorizuar e narkotikëve, substancave psikotrope ose analoge’ dhe ‘falsifikim i parasë’.

Policia ka njoftuar se gjatë kontrollit, policia ka gjetur dhe sekuestruar si prova materiale:

· 4 (katër) qese të mbushura me kërpudha narkotike me peshë 106.7 gr.,

· 186 (njëqind e tetëdhjetë e gjashtë) copa ekstazi,

· 5 (pesë) qese të mbushura me substancë, dyshohet të jetë narkotike-MDMA me peshë 17 gr.,

· 4 (katër) qese, dyshohet të jetë substancë narkotike-kokainë me peshë 22.1 gr.,

· 4 (katër) qese dhe një kavanoz, dyshohet të jetë substancë narkotike-ketamin me peshë 109.2 gr.,

· 1 (një) qese, dyshohet të jetë substancë narkotike-marihuanë me peshë 0.7 gr.,

· 440 (katërqind e katërdhjetë) euro që dyshohet të jenë të falsifikuara,

· 2 (dy) peshore elektronike,

· 700-800 qese të zbrazura që shërbejnë për paketimin e narkotikeve në sasi të vogël.

Pas intervistimit me aktvendim nga prokurori, dy të dyshuarit janë dërguar në mbajtje.