Aksidenti i rëndë në Lezhë, humb jetën punonjësi i policisë doganore (EMRI)

Shqiperi

Gazeta Express

16/06/2023 12:45

Një aksident ka ndodhur pasditen e sotme në aksin rrugor Lezhë-Shkodër në afërsi të fshatit Balldren.

Dy makina janë përfshirë në aksident dhe si pasojë e përplasjes ka humbur jetën shoferi i një prej automjeteve, i cili mësohet se ishte efektiv policie.

Viktima është identifikuar si Gazmir Zhuka, punonjës policie në pikën e kalimit kufitar të Hanit të Hotit. Mësohet se në momentin e ngjarjes Zhuka ishte jashtë shërbimi.

Në vendin e ngjarjes ndodhen forcat policore, ashtu sikurse edhe zjarrfikësit që bënë të mundur nxjerrjen e trupit të viktimës nga mjeti.

/Gazeta Express