Akil Gjakova ndalet në raundin e dytë në Kampionatin Botëror të xhudos

Sporte tjera

Gazeta Express

20/05/2024 16:19

Ka përfunduar eksperienca e Akil Gjakovës në Kampionëtin Botëror të xhudos, i cili po mbahet në Abu Dhabi.

Gjakova u ndal në raudin e dytë të kësaj gare nga i pari në renditjen botërore dhe olimpike, Hidayat Heydarov i Azerbajxhanit.

Fillimisht, garuesi kosovar triumfoi në raundin e parë, e cila ia mundësoi 240 pikë olimpike, me të cilat pritet edhe zyrtarisht t’i konfirmohet norma olimpike Paris 2024.

Botërori në Abu Dhabi është gara e fundit për pikë olimpike, ndërsa nesër në tatami do të jetë Laura Fazliu (-63 kg).