A mund të parashikohet divorci? Këto 8 shenja ju vijnë në ndihmë

Fun

Gazeta Express

13/07/2023 21:27

Në ditët e sotme divorci nuk po konsiderohet më një tabu, por sigurisht nuk është një situatë e lehtë për t’u kaluar nga çiftet, aq më tepër kur nga marrëdhënia e tyre kanë edhe fëmijë.

Psikologët kanë kryer një sërë testesh për të kuptuar se nëse është i mundur që divorci të parashikohet dhe kanë arritur në këto konkluzione.

1. Buzëqeshja në fotot e tyre të fëmijërisë

Në një studim shkencëtarët vlerësuan buzëqeshjen e fëmijëve të një kolegji dhe vlerësimi u bazua në shtrirjen e muskujve: Njëri shtrëngonte gojën dhe tjetri krijonte rrudha rreth syve. Në përfundim të këtij studimi ata dolën në konkluzionin se njerëzit me paraqitje shumë serioze në foto, kanë 5 herë më tepër shanse për divorc sesa njerëzit e buzëqeshur.

2. Toni emocional i zërit

Një algoritëm kompjuterik mund të parashikojë suksesin e një martese, me një saktësi prej 79%, duke përdorur vetëm tonin e zërit të bashkëshortëve kur komunikojnë me njëri-tjetrin. Shkencëtarët analizuan bisedat e më shumë se 100 çifteve që po shkonin tek psikologu dhe më pas vëzhguan statusin e tyre martesor për 5 vjet.

Rezulton se intensiteti, lartësia, “dridhja” dhe “shimmer” mund të tregojnë emocione të forta. “Ajo që thua nuk është e vetmja gjë që ka rëndësi, edhe mënyra se si e thua është shumë e rëndësishme. Studimi ynë konfirmon se kjo vlen edhe për marrëdhënien e një çifti”, thonë shkencëtarët .

3. Punë me kolegë të seksit të kundërt

Sipas studiuesve danezë, njerëzit që punojnë kryesisht të rrethuar nga anëtarë të seksit të kundërt divorcohen 15% më shpesh. Studimi i kësaj çështjeje arriti në një shkallë më të madhe kur u studiuan të gjitha çiftet që u martuan nga viti 1981 deri në 2002 në Danimarkë. Ata zbuluan se 100,000 prej tyre tashmë janë të divorcuar.

4. Edukata e nënës

Janë femrat ato që bëjnë kërkesë për divorc më shpesh. Për më tepër, ka pasur studime që kanë treguar se shumica e çifteve kopjojnë sjelljen e prindërve, veçanërisht të nënave të tyre. Sociologët studiuan sjelljen e 7000 njerëzve dhe zbuluan se nëse një nënë hynte në një lidhje të re, mjaft shpesh (qoftë martesë apo thjesht bashkëjetesë), fëmijët e tyre të rritur do të silleshin njësoj.

5. Qëndrimi negativ i burrit ndaj miqve të gruas së tij

Shkencëtarët analizuan marrëdhënien e 373 çifteve, me mbi 16 vite martesë. Nga ky studim rezultoi se 46% e çifteve ishin divorcuar në vitin e 16-të të martesës dhe shpesh herë ishin kritikat e burrit ndaj gruas, për miqtë e saj.

Sipas shkencëtarëve, kjo për faktin se marrëdhëniet midis grave dhe miqve të tyre, të cilat karakterizohen nga afërsia emocionale dhe mbështetja për njeri- tjetrin, zgjasin më shumë, ndërsa miqësia mashkullore më shpesh varet nga aktivitetet e përbashkëta.

6. Dashuria e tepruar e të porsamartuarve ndaj njëri- tjetrit

Sipas studiuesve çiftet që tregojnë më shumë dashuri sesa duhet ndaj partnerit të tyre në vitet e para të marrëdhënies, ka të ngjarë që afërsisht pas 7 viteve të divorcohen, pasi e kanë të vështirë të ruajnë të njëjtë intensitet të marrëdhënies së tyre.

7. Shtrati i ngushtë

Bashkëshortët duhet të flenë veçmas nëse shtrati i tyre është i ngushtë ose duhet të jenë të kujdesshëm të zgjedhin një shtrat të ri dhe më të bollshëm. Në këtë mënyrë shëndeti i tyre mendor dhe fizik do të jetë më i mirë si pasojë e një gjumi të rehatshëm. Studiuesit që merren me problemet e gjumit kanë zbuluar se rreth 30- 40% e çifteve flenë në shtretër të ndryshme, ku sipas tyre është zgjedhja më e zgjuar për një martesë të shëndetshme nëse krevati është i vogël.

8. Varfëria dhe papunësia

Është shumë e qartë se të jetosh në kushte të vështira ekonomike nuk është e lehtë. Marrëdhëniet në këto familje stopohen më shpesh sesa në familje të qëndrueshme financiarisht.