Talenti italian prioritet i Milanit

Gazeta Express

19/04/2020 14:51

Milan po përgatitet për afatin kalimtar të verës, me kuqezinjtë që do të bëjnë shumë ndryshime.

Shumë emra janë përfolur si afrime të mundshme dhe “Tuttosport” ditën e sotme ka zbuluar prioritetin e klubit kuqezi.

Bëhet fjalë për Sandro Tonalin. Mesfushori i talentuar i Brescias kërkohet me çdo kusht nga Gazidis në ekip, me Milanin që duket se është klubi më favorit në garë pir të.

Për italianin interesohen edhe Inter, Juventus e Napoli, por Milan ka mundësi t’i ofrojë një vend si lider në ekip Tonalit, ndryshe nga klubet e tjera. Mbetet për t’u parë se çfarë do të vendosë 19-vjeçari.