Këngëtarët po sfidohen për të publikuar këngë në kushte shtëpie, radhën e kanë Yll Limani, Neki Emra e B-Genius

Gazeta Express

13/04/2020 12:12

Korab Shaqiri ka filluar një sfidë të re nga karantina, mes artistëve.

I ftuar në emisionin Gjesi në T7, për të promovuar edhe këngën e tij më të re që kantautaori Korab Shaqairi e ka punuar në izolim në shtëpinë e tij, ai ka filluar një sfidë të re dhe shumë më ndryshe nga sfidat që po bëhen në internet.

Korabi ka treguar për vështirësitë që ka pasur për të realizuar këngën dhe videoklipin në këto kushte, mirëpo ai thotë se muzika na duhet për të kaluar këto ditë më mirë.

Kështu, ai ka filluar me tre emra, Yll Limani, Neki Emra dhe reperi B-Genius, të cilët Korabi mendon se janë në gjendje të punojnë dhe të sjellin nga një këngë të re nga karantina.

Kënga që Korabi ka punuar në shtëpi ka titullin ‘Deilema’, videoklipin e të cilës gjithashtu e ka realizuar në shtëpinë e tij./Gazeta Express/