Zyrtare: Real Madridi e transferon Yan Diomanden

Futboll

Gazeta Express

06/08/2026 16:16

Real Madrid ka konfirmuar zyrtarisht transferimin e talentit bregdetar, Yan Diomandé, nga RB Leipzig, duke realizuar një nga marrëveshjet më të mëdha në historinë e futbollit.

Sipas marrëveshjes, “Los Blancos” do të paguajnë 125 milionë euro fikse, ndërsa shuma mund të arrijë në 140 milionë euro me bonuset e përfshira në kontratë. Ky është transferimi më i shtrenjtë në historinë e klubit madrilen.

Diomandé, vetëm 19 vjeç, shkëlqeu sezonin e kaluar me fanellën e RB Leipzig, ku regjistroi 12 gola dhe 9 asistime, duke tërhequr interesimin e shumë klubeve elitare evropiane. Megjithatë, Real Madridi fitoi garën për nënshkrimin e anësorit nga Bregu i Fildishtë.

Me këtë lëvizje, gjiganti spanjoll vazhdon të investojë fuqishëm në të ardhmen, duke shtuar në skuadër një nga talentet më premtues të futbollit botëror. Diomandé pritet të jetë një nga figurat kryesore të projektit të ri të Real Madridit për sezonet në vazhdim.