“Një përbindësh”, Mourinho s’i ndalë fjalët e mira për Moise Kean

Futboll

Gazeta Express

02/08/2026 18:40

José Mourinho nuk i kurseu elozhet për Moise Kean, pasi Real Madridi u ndal me barazim 2-2 nga Fiorentina në një ndeshje miqësore parasezonale, duke e quajtur sulmuesin italian një “përbindësh”.

Sipas Tuttosport, Reali dukej se e kishte ndeshjen nën kontroll pasi krijoi epërsi prej dy golash, por Fiorentina e rriti ritmin në pjesën e dytë dhe arriti të barazojë rezultatin, me Kean që realizoi njërin prej golave të skuadrës italiane.

Pas ndeshjes, trajneri i Real Madridit pranoi se mbrojtësit e tij të rinj e patën shumë të vështirë të përballonin forcën fizike të ish-sulmuesit të Juventusit.

“Ndeshja u bë shumë më fizike, ata na vunë nën presion,” tha Mourinho.

“Të luash brenda zonës me dy djem si Joan dhe Mario, të cilët zhvilluan një ndeshje shumë të mirë, por fizikisht ende nuk janë në nivelin për t’u përballur me një përbindësh si Kean.”

Këto fjalë konsiderohen si një vlerësim i madh për sulmuesin italian, i cili vazhdon të jetë objekt interesimi në merkato, me Comon që është një nga klubet që po monitoron situatën e tij.

Për pjesën tjetër të paraqitjes së skuadrës, Mourinho u shpreh i kënaqur, duke e analizuar ndeshjen me stilin e tij karakteristik.

“Pashë një Real Madrid me tri fytyra: të freskët, të lodhur dhe shumë të lodhur,” deklaroi ai për Real Madrid TV.

“Skuadra e freskët luajti shumë mirë. Rezultati 2-1 në fund të pjesës së parë ishte i ngushtë. Ishte një 45-minutësh me cilësi të lartë dhe lehtësisht mund të kishim qenë në epërsi 3-0 ose 4-0.”

Trajneri portugez rezervoi fjalë të veçanta edhe për Denzel Dumfries dhe Endrick, të cilët kishin zhvilluar vetëm tri ditë stërvitje, por megjithatë luajtën më shumë se 70 minuta.

“Ishte një përpjekje fantastike dhe kjo do të thotë shumë për mua,” përfundoi Mourinho. “Më pëlqeu gjithçka”./GazetaExpress/