Trump thotë se Izraeli është “shumë i kënaqur” me marrëveshjen për çarmatimin e Hamasit

Lajme

Gazeta Express

31/07/2026 20:32

Gjatë një takimi të kabinetit amerikan në Camp David pak më parë, presidenti Donald Trump ka thënë se “Izraeli është shumë i kënaqur” me planet që Hamasi të çarmatoset.

Kjo vjen pasi Hamasi pranoi një kornizë për dorëzimin e armëve në territor për herë të parë, por me disa kushte, përfshirë tërheqjen e Izraelit nga Gaza, raporton BBC, përcjell Gazeta Express.

Nga ana tjetër, një zyrtar i lartë izraelit tha se Forcat e Mbrojtjes të Izraelit (IDF) nuk do të tërhiqen nga Gaza pa “çarmatimin e vërtetë të Hamasit”.

Gjatë takimit, Donald Trump u pyet nëse çarmatimi i Hamasit apo tërheqja e Izraelit do të ndodhte e para, por ai nuk dha përgjigje.

Është ende herët të thuhet nëse marrëveshja do të respektohet, por nëse ajo qëndron, mund të shënojë hapin e parë të besueshëm drejt përfundimit të luftës gati trevjeçare në rajon, shkruan korrespondenti ynë për Gazën.