“Irani mund të godasë…”, Reuters: Pentagoni në gatishmëri

Lajme

Gazeta Express

30/07/2026 7:11

SHBA paralajmëron trupat në Lindjen e Mesme: Telefonat dhe videot mund të ndihmojnë Iranin të godasë bazat ushtarake

Komandanti i Komandës Qendrore të SHBA-së (CENTCOM), Admirali Brad Cooper, ka paralajmëruar trupat amerikane në Lindjen e Mesme se videot dhe fotografitë e shpërndara nga telefonat celularë mund të ndihmojnë Iranin të identifikojë dhe të shënjestrojë bazat ushtarake amerikane.

Në një letër drejtuar personelit ushtarak, Cooper thekson se informacioni i publikuar në rrjetet sociale dhe raportimet në kohë reale mund t’i japin Teheranit të dhëna të vlefshme për efektet e sulmeve të tij.

“Kostoja e menjëhershme e këtij informacioni mund të matet me jetën e ushtarëve amerikanë dhe civilëve në rajon”, shkruan ai, duke u bërë thirrje trupave të rrisin masat për ruajtjen e sigurisë operacionale.

Sipas burimeve të Reuters, ushtria amerikane po shqyrton mundësinë që disa ushtarëve, veçanërisht atyre të dislokuar në Jordani, t’u konfiskohen përkohësisht telefonat celularë për të shmangur rrjedhjen e informacionit të ndjeshëm.

Videoja që ngriti alarmin

Paralajmërimi erdhi pasi në internet u publikua një video e regjistruar nga një ushtar amerikan me syze inteligjente Meta, e cila tregonte momentet e panikut gjatë një sulmi iranian me raketa dhe dronë ndaj Bazës Ajrore Muwaffaq Salti në Jordani më 17 korrik.

The top U.S. commander in the Middle East has warned troops that videos and photos shared from their phones are helping Iran assess the effectiveness of its attacks and plan follow-up strikes.

Adm. Brad Cooper, head of U.S. Central Command (CENTCOM), told service members that… pic.twitter.com/ATcIBDgaLF

— Clash Report (@clashreport) July 29, 2026

Sipas admiralit Cooper, pamjet zbuluan detaje mbi vendndodhjen e strehimoreve dhe mënyrën se si lëvizën ushtarët gjatë sulmit, informacion që mund të përdoret nga kundërshtarët për të analizuar efektivitetin e goditjeve.

Ai shtoi se raportimet publike dhe videot në rrjetet sociale mund të kryejnë praktikisht falas atë që në terminologjinë ushtarake njihet si Vlerësimi i Dëmeve të Betejës (Battle Damage Assessment – BDA), duke i ndihmuar forcat iraniane të kuptojnë se cilat objektiva janë goditur.

Shqetësime për komunikimin e trupave

Një ndalim i mundshëm i telefonave celularë ka ngritur shqetësime edhe te familjarët e ushtarëve amerikanë, pasi shumë prej tyre mbështeten tek komunikimet e përditshme për të marrë lajme nga të afërmit e dislokuar në rajon.

Autoritetet amerikane kanë paralajmëruar prej vitesh se aplikacionet në telefonat inteligjentë, përfshirë ato të fitnesit apo shërbimet e vendndodhjes, mund të përdoren nga kundërshtarët për të gjurmuar lëvizjet e personelit ushtarak.

Ndërkohë, Pentagoni vijon të kufizojë publikimin e informacioneve mbi sulmet ndaj bazave amerikane në Lindjen e Mesme, duke argumentuar se transparenca e tepërt mund të cenojë sigurinë operacionale të forcave të dislokuara në rajon.