Aksidenti tragjik ku vdiq 7-vjeçari, Gjykata e lë në burg producentin Petri Bozo

Lajme

Gazeta Express

28/05/2026 11:08

Gjykata e Elbasanit ka caktuar masën e sigurisë “Arrest me burg” për producentin Petri Bozo.

Vendimi është dhënë pas shqyrtimit të kërkesës së organit të akuzës, ndërsa producenti do të vijojë të qëndrojë në paraburgim deri në përfundim të hetimeve.

Panorama raporton se prokuroria ka paraqitur provat dhe argumentet mbi bazën e të cilave ka kërkuar masën më të rëndë të sigurisë, kërkesë që është pranuar nga gjykata.

Avokatët mbrojtës të Petri Bozos kanë kundërshtuar masën, duke kërkuar një masë më të lehtë sigurie, por trupa gjykuese vendosi lënien e tij në burg.

Rasti ka tërhequr vëmendje të madhe publike dhe pritet që në ditët në vijim të ketë reagime dhe zhvillime të tjera lidhur me çështjen.