Interi e mbyll sezonin me barazim, i ndanë pikët me Bolognan

Futboll

Gazeta Express

23/05/2026 20:00

Interi e përfundoi sezonin me një barazim dramatik 3-3 ndaj Bolognas në një ndeshje plot kthesa, gola spektakolarë dhe gabime të pazakonta.

Skuadra e Cristian Chivus kishte siguruar më herët “dopietën” Scudetto dhe Coppa Italia, ndaj në këtë ndeshje disa lojtarë kryesorë si Hakan Çalhanoğlu, Marcus Thuram, Manuel Akanji dhe Denzel Dumfries u lanë pushim.

Ndërkohë, vendasit luajtën pa disa emra të rëndësishëm si Riccardo Orsolini dhe Nicolò Cambiaghi, por gjithsesi arritën të prodhonin një ndeshje shumë intensive.

Interi kaloi i pari në avantazh me një goditje të lirë fantastike nga Federico Dimarco, i cili vazhdon të jetë një nga mbrojtësit më produktivë në Europë me gola dhe asistime të shumta.

Megjithatë, Bologna reagoi shpejt dhe e përmbysi rezultatin para pushimit, përfshirë një autogol të çuditshëm të Piotr Zieliński.

Federico Bernardeschi dhe Pobega shënuan, para autogolit të Zielinskit.

Në pjesën e dytë, Interi u rikthye në lojë me një gol nga Andy Diouf, ndërsa më pas ai shënoi edhe një gol spektakolar për të barazuar ndeshjen.

Skuadra gjithashtu përfitoi nga një gol i Francesco Pio Espositos pas një aksioni të Diouf.

Bologna kishte momente të tjera të rrezikshme me Santiago Castro dhe Federico Bernardeschi, por nuk arriti ta mbyllte ndeshjen.

Në fund, takimi përfundoi 3-3, një mbyllje simbolike për një sezon të gjatë dhe të suksesshëm të Interit, që e mbylli me trofe dhe shumë emocione në fushë.

Interi e mbylli sezonin me 87 pikë, derisa Bologna (në vendin e tetë) e mbylli me 56 sosh./GazetaExpress/