Hull City do të luajë në Premierligë sezonin e ardhshëm, rikthehet pas 9 sezonesh mungesë

Futboll

Gazeta Express

23/05/2026 18:40

Hull City është promovuar në Premierligë në mënyrën më dramatike të mundshme, duke mposhtur Middlesbroughin me gol në minutat shtesë në finalen e “play-offit” të Championshipit në “Ëembley”.

Oli McBurnie ishte heroi i ndeshjes, duke shënuar nga afërsia në kohën shtesë, pas një asistimi nga Yu Hirakaëa.

Portieri i Middlesbroughit, Sol Brynn, e devijoi topin, duke ia lënë McBurniet një mundësi që nuk mund të humbej.

Ndeshja ishte e varfër në raste, me vetëm dy goditje në portë gjatë gjithë lojës, por përfundoi me shpërthim emocionesh për tifozët e Hull Cityt.

Ky sukses vjen pas një periudhe të trazuar rreth skandalit “Spygate”, që ka tronditur futbollin anglez gjatë fazës së “play-offit” të Championshipit.

Southamptoni u përjashtua nga “play-offi” nga English Football League (EFL), pasi një punonjës i klubit u kap duke filmuar stërvitjen e Middlesbroughit nga pas një peme para ndeshjes së parë gjysmëfinale.

Edhe pse Southamptoni fitoi ndeshjen e dytë dhe fillimisht siguroi vendin në “Ëembley”, vendimi i EFL e ndryshoi komplet renditjen, duke i dhënë Middlesbroughit mundësinë të luante finalen vetëm pak ditë më parë.

Southamptoni apeloi vendimin, por ai u rrëzua, duke i dhënë Boro vetëm pak kohë për përgatitje për finalen.

Klubi pranoi gjithashtu se kishte kryer spiunime ndaj Oxford Unitedit. dhe Ipsëich Toënit gjatë sezonit të rregullt.

Në fund, megjithatë, ishte Hull City që përfitoi nga kaosi dhe siguroi rikthimin në elitën e futbollit anglez në mënyrë dramatike në “Ëembley”.

Sezoni i fundit i Hull Cityt në Premierligë ishte sezoni 2016/17, me skuadrën që kishte përfunduar në vendin e 18-të me 34 pikë.

Si për rastësi, edhe për Middlesbroughin ishte ai sezon, i fundit në Premierligë.

Boro përfundonte i 19-ti me 28 pikë, menjëherë pas Hullit./GazetaExpress/