Ish-komandant i Brigadës 124 të UÇK-së, Skender Hoxha i bashkohet listës së PDK-së për deputetë

Lajme

Gazeta Express

12/05/2026 14:49

Kryetari i Partisë Demokratike të Kosovës, Bedri Hamza, ka njoftuar se listës së kandidatëve për deputetë i është bashkuar edhe Kolonel Skender Hoxha, një emër i njohur në fushën e sigurisë dhe mbrojtjes në Kosovë.

Hamza vlerësoi lart kontributin shumëvjeçar të Hoxhës, duke theksuar se ai ka shërbyer me dekada për vendin, që nga lufta çlirimtare e deri te ndërtimi dhe forcimi i institucioneve të sigurisë së Kosovës.

Sipas tij, Skender Hoxha ka mbajtur pozita të rëndësishme, si ish-komandant i Brigadës 124 të UÇK-së, ish-atashe ushtarak i Kosovës në Zagreb dhe Komandant i Gardës Kombëtare. Për kontributin e tij në shërbim të shtetit, ai është nderuar edhe me Medaljen e Karrierës.

“Në një kohë kur Kosova ka nevojë për njerëz me integritet, përvojë dhe ndjenjë të lartë përgjegjësie, ardhja e Kolonel Skender Hoxhës është një vlerë e shtuar për ekipin tonë”, ka deklaruar Hamza.