Tre viktima në një anije turistike në Atlantik, dyshohet për hantavirus

Lajme

Gazeta Express

04/05/2026 10:20

Tre persona kanë vdekur në një anije turistike në Atlantik, ku dyshohet për infeksion me hantavirus. Viktimat përfshijnë një çift holandez dhe një burrë tjetër, ndërsa disa persona të tjerë kanë shfaqur simptoma të sëmundjes.

Një shtetas britanik 69-vjeçar ndodhet në gjendje të rëndë në kujdes intensiv në një spital në Johanesburg, ndërsa dy anëtarë të ekuipazhit janë gjithashtu të sëmurë. Autoritetet shëndetësore kanë hipur në anije për të ekzaminuar rastet, ndërsa anija është mbajtur në izolim pranë brigjeve të Afrikës dhe nuk lejohet zbarkimi i pasagjerëve, shkruan Euronews.

Sipas ekspertëve, hantavirusi përhapet kryesisht përmes brejtësve dhe shumë rrallë transmetohet nga njeriu te njeriu, megjithatë rasti në anije po konsiderohet i pazakontë.