Peshëngritësja ukrainase e refuzoi podiumin dhe fotot me garuesen ruse, “shpërthen” ndaj saj kryetari i Federatës Evropiane, Astrit Hasani

Sport

Gazeta Express

28/04/2026 12:10

Presidenti i Federatës Evropiane të Peshëngritjes, Astrit Hasani e ka qortuar sportisten ukrainase, Iryna Dombrovska, e cila refuzoi të bënte foto me sportisten ruse gjatë marrjes së medaljeve në podium.

Dombrovska i fitoi tri medalje të bronzta në Kampionatin Evropian të Peshëngritjes, që u mbajt në Gjeorgji, por më pas refuzoi të bënte foto me sportisten nga Rusia, që po ashtu ishte medaliste, duke e shkaktuar një shpërthim nga ana e Hasanit, shkruan “Gazeta Express”.

⚡️ Ukrainian athlete scolded by EWF president for refusing photo with Russian

European Weightlifting Federation President Astrit Hasani was filmed shouting at athlete Iryna Dombrovska and her coaching staff after she declined to participate in a podium photograph with a Russian… pic.twitter.com/JikZFSNm7j

— UNITED24 Media (@United24media) April 27, 2026

“Kjo është e papranueshme, sepse ne jemi këtu në sport. Sporti është mbi politikën në organizatën tonë. Faleminderit shumë”, i tha kreu i peshëngritjes evropiane garueses ukrainase, e cila megjithatë nuk e dëgjoi atë dhe e refuzoi foton me rusen.

Krejt kjo për faktin se këto dy vende janë në luftë tash e sa vite, me synimin e Rusisë për ta pushtuar Ukrainën. /Gazeta Express