PDK me telegram ngushëllimi pas ndarjes së Rexhep Qosjes nga jeta

Lajme

Gazeta Express

23/04/2026 13:53

Partia Demokratike e Kosovës ka dërguar telegram ngushëllimi pas ndarjes së akademikut Rexhep Qsja nga jeta duke e vlerësuar për figurë të rëndësishme shkencore dhe kombëtare.

Nga PDK thanë se Qosja kontribuoi edhe në rritjen e ndërgjegjes kombëtare dhe në përpjekjet për liri e barazi të popullit tonë.

Letra e plotë:

Telegram ngushëllimi i Kryetarit të PDK-së, Bedri Hamza për vdekjen e akademikut Rexhep Qosja:

E nderuar familje Qosja,

Me pikëllim të thellë mora lajmin për ndarjen nga jeta të akademikut Rexhep Qosja. Humbja e tij është e madhe jo vetëm për familjen tuaj, por edhe për Kosovën dhe mbarë kombin shqiptar.

Si akademik i shquar, ai dha kontribut të jashtëzakonshëm në mendimin shkencor dhe kulturor shqiptar, duke lënë pas një trashëgimi të çmuar dhe të pazëvendësueshme për brezat që vijnë. Si mendimtar i angazhuar në çështjet politike, akademik Rexhep Qosja kontribuoi edhe në rritjen e ndërgjegjes kombëtare dhe në përpjekjet për liri e barazi të popullit tonë.

Në këto momente të rënda për ju, ju lutem pranoni ngushëllimet e mia më të sinqerta.

Kujtimi dhe vepra e akademikut Rexhep Qosja do të mbeten të përhershme.

Me respekt,

Bedri Hamza

Kryetar i Partisë Demokratike të Kosovës