Pentagoni njofton se shefi i marinës së SHBA’së është larguar nga posti ‘‘me efekt të menjëhershëm’’

Lajme

Gazeta Express

23/04/2026 13:06

Zëdhënësi i Pentagonit, Sean Parnell, tha se largimi i tij hyn në fuqi menjëherë, ndërsa Hung Cao, zëvendëssekretar i Marinës, do të shërbejë përkohësisht në këtë pozitë, e cila është kryesisht administrative.

Phelan është një nga disa zyrtarë të lartë ushtarakë që janë larguar kohët e fundit nga administrata. Largimi i tij vjen në një periudhë tensionesh brenda udhëheqjes amerikane, sidomos për çështje të ndërtimit të anijeve dhe politikave të marinës, sipas raportimeve të mediave amerikane.

Pentagoni nuk ka dhënë një arsye zyrtare për dorëheqjen e tij, por burime mediatike sugjerojnë se ai ka pasur përplasje me Sekretarin e Mbrojtjes Pete Hegseth lidhur me zbatimin e iniciativave për ndërtimin e flotës detare.

Kjo lëvizje vjen vetëm disa javë pasi disa figura të tjera të larta ushtarake janë shkarkuar ose janë larguar nga pozitat e tyre në Pentagon, raporton BBC.