Al-Nassri afër ta shkruajë historinë, po e konsideron provomin e djalit të Ronaldos në ekipin e parë

Futboll

Gazeta Express

21/04/2026 18:24

Cristiano Ronaldo dhe djali i tij po vazhdojnë të jenë në qendër të vëmendjes së mediave, këtë herë për një garë të re mes Al-Nassrit dhe Real Madridit për të ardhmen e Cristiano Ronaldo Jr..

Ronaldo Jr., i cili ka tërhequr gjithnjë e më shumë vëmendje me paraqitjet e tij në akademi, ka kaluar më parë në sistemet e të rinjve të Manchester Unitedit, Juventusit dhe tani Al-Nassrit, duke ndjekur në njëfarë mënyre hapat e babait të tij.

Së fundmi, ai ka bërë bujë pasi shënoi një “hat-trick” për ekipin U16 të Al-Nassrit në një fitore 4–3, duke përfshirë edhe një gol nga goditja e lirë që tregoi cilësi dhe qetësi në momente vendimtare.

Interesi u rrit edhe më shumë kur ai u pa duke u stërvitur me akademinë e Real Madridit, një lidhje që ka edhe peshë simbolike të madhe, duke pasur parasysh se Cristiano Ronaldo është golashënuesi më i mirë në historinë e klubit me 450 gola.

Kjo ka hapur spekulime për një rikthim të mundshëm “familjar” në Madrid, gjë që do të kishte jehonë të madhe për tifozët.

Nga ana tjetër, Al-Nassri nuk dëshiron ta humbasë këtë mundësi dhe po shqyrton një plan të veçantë: promovimin e Ronaldo Jr. në ekipin e parë që në sezonin e ardhshëm.

Kjo do t’i lejonte atij të luajë madje edhe me babain e tij në të njëjtën skuadër.

Ky plan ende nuk është final, pasi klubi pritet të vlerësojë nëse ai është gati teknikisht për nivelin e seniorëve.

Megjithatë, ideja shihet si strategjike si nga ana sportive ashtu edhe nga ajo simbolike.

Ndërkohë, vetë Cristiano Ronaldo mbetet figurë kyçe tek Al-Nassri, duke ndikuar jo vetëm në fushë me gola, por edhe në rritjen globale të klubit në Saudi Pro League.

Për këtë arsye, mbajtja e djalit të tij në klub shihet edhe si pjesë e strategjisë afatgjatë për të forcuar lidhjen me familjen Ronaldo dhe për të ndërtuar vazhdimësi në projektin e klubit./GazetaExpress/