Perparim Rama ia kthen qytetares që iu ankua për papastërtinë: S’mundemi edhe kurse të sjelljes në qytet me mbajtë

Lajme

Gazeta Express

21/04/2026 10:54

Kryetari i Prishtinës, Perparim Rama, i është përgjigjur një komenti të një qytetareje e cila është ankuar për gjendjen e ambientit në kryeqytet.

Rama i është përgjigjur duke i treguar se kanë caktuar vendin për hedhjen e mbeturinave, përfshirë për ato të ngurta dhe gjithashtu është vendosur numri në dispozicion për të bërë bartjen e tyre.

Kreu i Prishtinës ka thënë se nuk mund të mbajnë edhe kurse për atë se si duhet të sillen qytetarët.

“Ne po mundohemi me kriju lehtesira dhe siguri per investitore. Po mundohemi me i pastru edhe deponite ilegale qe po krijohen nga qytetaret. Kemi caktuar vendin ku duhet te hidhen (dysheke e joga) pervec tjerave. Kemi treguar edhe kend duhet me thirr per me bo bartjen e tyre!!!Per bese, kurse te sjelljes ne qytet nuk po mundemi me mbajt!!”, ka shkruar Rama në koment.