Tërmet në Shqipëri, lëkundjet ndihen për disa sekonda – Ja epiqendra dhe sa ishte magnituda

Lajme

Gazeta Express

30/03/2026 7:41

Një tërmet me magnitudë 3.8 të shkallës Rihter është regjistruar mëngjesin e sotëm në territorin e Shqipëri, duke shkaktuar lëkundje në disa zona të vendit.

Sipas të dhënave paraprake, epiqendra e tërmetit ka qenë në një zonë midis Lushnjës dhe Elbasanit, rreth 10 kilometra larg Lushnjës dhe 28 kilometra nga Elbasani.

Banorët raportojnë se lëkundjet janë ndjerë të forta për disa sekonda, duke shkaktuar shqetësim dhe panik, por deri tani nuk ka raportime për dëme materiale apo persona të lënduar.

Edhe disa kohë më parë, një tjetër tërmet është shënuar në të njëjtin rajon, konkretisht në zonën e fshatrave të Belsh.