Lladrovci: Shqiponja, bëjeni të pamundurën për fitore dhe kualifikimin e mëtejmë!

Futboll

Gazeta Express

25/03/2026 20:18

Me rastin e ndeshjes kualifikuese në futboll që do të zhvillohet nesër, ndërmjet Kosovës dhe Sllovakisë, Ramiz Lladrovci ka kërkuar nga futbollistët ta bëjnë të pamundurën për fitore dhe kualifikimin e mëtejmë.

Postimi i tij nga Sllovakia:

Ndeshja e futbollistëve tanë me sllovakët, do të jetë më shumë se lojë për kualifikim të mëtejmë për botëror, do të jetë ballafaqim i pasionit për fitore, përgatitjes dhe aftësive, përtej asaj që kemi parë deri më sot. U nisëm për fitore drejt Sllovakisë, me yjet tanë, për Kosovën dhe sportdashësit që e jetojnë suksesin në sportin më të dashur, futbollin. Shqiponja, bëjeni të pamundurën për fitore dhe kualifikimin e mëtejmë. Dëshmojuni!!