Krimi i dyfishtë në Fier/ Familja Rrapaj hap dyert e mortit, ceremonitë mortore të dy bashkëshortëve do bëhen të ndara

Shqiperi

Gazeta Express

25/03/2026 11:15

Familja Rrapaj, në fshatin Kuman të Roskovecit, ka hapur dyert e mortit pas tragjedisë të ndodhur mesditën e djeshme (24 mars), ku 80-vjeçari Shefit Rrapaj ka vrarë me armë ( pushkë) bashkëshorten e tij, Dashuri Rrapaj, 75 vjeçe e më pas qëlloi veten për vdekje.

Sipas burimeve konfidenciale, varrimi i dy viktimave do të bëhet i ndarë.

Dashuri Rrapaj, do te përcillet për në banesën e fundit në Allambreas të Beratit, ku është bijë, në orën 13:00, ndërkohë që Shefit Rrapaj ndodhet ende në morgun e Fierit dhe trupi i tij ende nuk po tërhiqet nga familjarët.