Konflikti në Lindjen e Mesme, një anije mallrash goditet nga një predhë në ngushticën e Hormuzit

Lajme

Gazeta Express

11/03/2026 7:47

Një anije mallrash që po lundronte në Ngushticën e Hormuzit është goditur nga një predhë e dyshuar, por ende e paidentifikuar, sipas një njoftimi të publikuar nga Operacionet e Tregtisë Detare të Mbretërisë së Bashkuar.

Sipas raportit, anija ka pësuar dëmtime dhe ka kërkuar ndihmë pas incidentit. Megjithatë, autoritetet bëjnë të ditur se i gjithë ekuipazhi është i sigurt dhe është konfirmuar prania e tyre në bord.

Ngjarja po monitorohet nga autoritetet detare, ndërsa nuk janë dhënë ende detaje të tjera mbi origjinën e predhës apo rrethanat e sakta të incidentit në një nga korridoret më të rëndësishme të transportit detar në botë.