McKennie e vazhdon kontratën me Juven deri më 2030, i dyfishohet paga

Futboll

Gazeta Express

02/03/2026 20:10

Pas golave vendimtarë dhe lojës në pozicione të ndryshme, Weston McKennie ka nënshkruar një kontratë të re me Juventusin deri në qershor 2030, duke gati dyfishuar pagën e tij.

Raportime të shumta besojnë se paga e tij do të rritet nga 2.5 milionë euro neto në sezon aktual në 4 milionë euro plus bonuse të lidhura me performancën.

Kontrata e mëparshme ishte e parashikuar të skadonte më 30 qershor, por McKennie nuk ka konsideruar asnjë opsion tjetër, duke qenë i etur të firmosë një marrëveshje të re deri në 2030.

Ylli i kombëtares së SHBA-së erdhi në Torino nga Schalke më 2020 dhe dukej shpesh pranë largimit gjatë karrierës së tij te “Bianconeri”.

Kjo përfshinte edhe një huazim të pasuksesshëm te Leeds United, por gjithmonë ia ka dalë të bindë klubin dhe trajnerin për t’i dhënë një mundësi tjetër.

Shumëllojshmëria e tij ka qenë çelësi, pasi vetëm këtë sezon McKennie ka luajtur si mesfushor, mbrojtës i majtë, sulmues ndihmës dhe si False 9.

Ai ka shënuar tetë gola dhe ka dhënë shtatë asiste këtë sezon nën drejtimin e Igor Tudor dhe më pas Luciano Spalletti, duke u bërë një nga lojtarët më të qëndrueshëm të Juventusit në një sezon të vështirë./GazetaExpress/