Policia në Ferizaj shton prezencën në rrugë për parandalimin e aksidenteve – Për 24 orë shqipton 297 gjoba

Lajme

Gazeta Express

20/09/2025 14:52

Policia Rajonale e Ferizajt, gjatë 24 orëve të fundit, ka shtuar prezencën në rrugë me qëllim parandalimin e aksidenteve. Si rezultat, janë shqiptuar 297 gjoba për kundërvajtje të ndryshme dhe janë ndaluar 8 shoferë me shkelje të rënda.

Gjatë kësaj periudhe janë raportuar gjithsej 5 aksidente trafiku ku 3 me lëndime, nga aksidente të cilat kanë mbetur të lënduar 5 persona, dhe  2 me dëme materiale.

Njoftimi:

Masat e shtuara në komunikacionin rrugor në rajonin e Ferizajt

Policia Rajonale e Ferizajt, gjatë 24 orëve të fundit, ka shtuar prezencën në rrugë me qëllim parandalimin e aksidenteve. Si rezultat, janë shqiptuar 297 gjoba për kundërvajtje të ndryshme dhe janë ndaluar 8 shoferë me shkelje të rënda, ndaj të cilëve është iniciuar masa mbrojtëse e heqjes së patentë-shoferit, si dhe janë konfiskuar disa motoçikleta për mungesë të dokumentacionit.

Gjatë kësaj periudhe janë raportuar gjithsej 5 aksidente trafiku:

– 3 me lëndime, ku kanë mbetur të lënduar 5 persona;

– 2 me dëme materiale.

Policia apelon tek të gjithë shoferët për kujdes të shtuar në komunikacion dhe fton qytetarët të bashkëpunojnë me policinë duke raportuar shkeljet përmes numrit 192, stacionit më të afërt policor ose aplikacionit “Lajmëro Policinë”.