Porti i Durrësit, rriten me 6 % volumet e mallrave të përpunuara nga janari në korrik

Shqiperi

Gazeta Express

28/08/2025 11:48

Porti i Durrësit ka regjistruar një rritje prej 6,3% të volumit të mallrave të përpunuara gjatë periudhës janar-korrik 2025, duke arritur mbi 2 milionë tonë mallra. Kjo përkthehet në një shtesë prej 138,000 tonë krahasuar me të njëjtën periudhë të vitit të kaluar. Autoriteti Portual Durrës raportoi gjithashtu një rritje prej 30% të importeve, pasqyruar në kërkesën e shtuar të tregut vendas.

Në sektorin e kontejnerëve, porti ka përpunuar 128,213 njësi kontejnerike, me një rritje prej 9% krahasuar me vitin 2024. Po ashtu, ka pasur një rritje prej 4% në fluksin e pasagjerëve, me 195,310 pasagjerë që hyrë në Shqipëri dhe 157,229 që udhëtuan drejt Italisë.

Këto të dhëna vërtetojnë rolin strategjik të Portit të Durrësit si një nyje e rëndësishme e transportit dhe logjistikës, si për ekonominë kombëtare, ashtu edhe për rajonin, duke përforcuar vizionin për transformimin e tij në një qendër moderne dhe konkurruese.